སྐབས་ ༡༦ པའི་སྤྱི་ལྷན་གྲོས་ཚོགས་ཚོགས་དུས་གཉིས་པ་ཕྱི་ལོ་ ༢༠༡༦ ཟླ་ ༩ ཚེས་ ༢༠ རེས་གཟའ་མིག་དམར་ནས་ཚེས་ ༢༩ རེས་གཟའ་ཕུར་བུ་བར་ལས་ཉིན་དགུ་རིང་ཚུགས་གཏན་འཁེལ་སོང་།

_DSC0542 copyIMG20160728103124རྒྱལ་གཅེས་དཔའ་བོ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པའི་ཚ་མོ་ཉི་མ་ལྷ་མོ་མཆོག་རྒྱ་གར་དུ་བདེ་བར་འབྱོར་ནས་ཟླ་འདིའི་ཚེས་ ༢༨ ཉིན་སྤྱི་ལྷན་དུ་ཕེབས་གནང་གིས་ངོ་བཞུགས་སྤྱི་འཐུས་རྒྱུན་ལས་རྣམ་པ་འགའ་ཤས་དང་མཇལ་འཕྲད་ཞུ་སྐབས་ཚ་མོ་མཆོག་ནས་གསུངས་གསལ་དུ། སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་ལ་རྒྱ་དམར་གཞུང་ནས་ཉེས་མེད་ཉེས་འཛུག་བྱས་ཏེ་སྡུག་སྦྱོང་ཚད་མེད་བཏང་མཐར་སྐུ་ཚེའི་འཕེན་པ་རྫོགས་དགོས་བྱུང་བ་ནི་ཧ་ཅང་གི་བློ་ཕམ་ཡིན་པ་མ་ཟད། ད་ཆ་རང་ཉིད་བཙན་བྱོལ་དུ་བདེ་བར་འབྱོར་ནས་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པ་དང་། དེ་བཞིན་རྒྱ་ཡི་བཙོན་འོག་ཏུ་ཡོད་པའི་ཆབ་སྲིད་བཙོན་པ་མང་པོ་ཡོད་པ་དེ་དག་གི་བདེན་དཔང་དུ་རྒྱལ་སྤྱིའི་སྤྱི་ཚོགས་ལ་གསལ་བཤད་བྱེད་ཀྱི་ཡིན་ཞུས་གནང་སོང་ལ། སྐབས་དེར་སྤྱི་འཐུས་རྒྱུན་ལས་རྣམ་པས་སྤྱི་ལྷན་གྱི་ཚབ་ཞུས་ཏེ་ཚ་མོ་མཆོག་དང་ཁོང་གི་ཕྱག་རོགས་དགེ་བཤེས་བློ་བཟང་ཡོན་ཏན་ལགས་སུ་མ་འོངས་པར་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པ་དང་འབྲེལ་བའི་ལས་འགུལ་གང་འདྲ་ཞིག་སྤེལ་བ་ཡིན་ནའང་འདི་ནས་མཐུན་འགྱུར་གང་ཐུབ་ཞུ་རྒྱུ་ཡིན་ཞུས་པ་ཆབས་ཅིག་འཚམས་ཞུའི་མཇལ་དར་དང་། ཐུགས་གསོའི་ཕྱག་རྟགས་མཚོན་བྱེད་བཅས་འབུལ་ལམ་ཞུས་ཡོད་པ་རེད།།

_DSC0534

རྡ་ཤོད་བོད་ཁྱིམ་སློབ་གྲྭའི་འཛིན་རིམ་བཅུ་པའི་སློབ་ཕྲུག་རྣམས་ལ་དབུས་བོད་མིའི་སྒྲིག་འཛུགས་ཀྱི་ལས་ཁུངས་ཁག་གི་ངོ་སྤྲོད་དང་འགྲོ་ལུགས་སོགས་ཀྱི་གོ་རྟོགས་དང་མཐོང་ཐོས་མྱོང་གསུམ་གྱི་ཤེས་རྒྱ་གོང་མཐོར་སྤེལ་སླད་ཕྱི་ལོ་ ༢༠༡༦ ཟླ་ ༧ ཚེས་ ༢༨ དང་ ༢༩ ཉིན་གཉིས་རིང་ཞོགས་པ་ཆུ་ཚོད་ ༡༠ ནས་ ༡༢ བར་ལས་ཁུངས་ཁག་ཏུ་སྐོར་བསྐྱོད་དུ་འཁྲིད་ཀྱི་ཡོད་པ་ལྟར་འདི་ཚེས་ ༢༨ ཉིན་འཛིན་རིམ་ ༡༠ པའི་སློབ་ཕྲུག་གྲངས་ ༧༠ བརྒལ་བ་བོད་མི་མང་སྤྱི་འཐུས་ལྷན་ཁང་དུ་འབྱོར་བར་ཚོགས་དྲུང་སྟོབས་རྒྱལ་ལགས་ནས་སྤྱི་ལྷན་གྲོས་ཚོགས་དང་འབྲེལ་བའི་ངོ་སྤྲོད་སྙིང་བསྡུས་ཤིག་གནང་ཡོད་པ་རེད།།

cover.indd

༄༅། །བོད་མི་མང་སྤྱི་འཐུས་སྐབས་རེ་འཕོ་ལེན་གནང་སྐབས་དེ་སྔོན་སྤྱི་འཐུས་གནང་མ་མྱོང་བ་གསར་དུ་བདམས་ཐོན་བྱུང་བའི་སྤྱི་འཐུས་རྣམ་པར་བཙན་བྱོལ་བོད་མིའི་སྒྲིག་འཛུགས་ཀྱི་སྒྲོམ་གཞི་དང་། དེའི་ལངས་ཕྱོགས་སྲིད་བྱུས། ཁྲིམས་སྒྲིག་ཁག་སོགས་ངོ་སྤྲོད་དང་འབྲེལ་ཟབ་སྦྱོང་རེ་གནང་ལམ་ཡོད་པ་ལྟར། དེ་སྔ་ཕྱི་ལོ་ ༢༠༡༠ ལོར་བཙན་བྱོལ་བོད་གཞུང་གི་སྒྲོམ་གཞི་དང་། གཞུང་འབྲེལ་མིན་པའི་སྒྲིག་འཛུགས་ཁག་ཅིག་གི་ངོ་སྤྲོད་ཕྱག་དེབ་གཅིག་བོད་ཀྱི་གྲོས་ཚོགས་དང་སྲིད་བྱུས་ཉམས་ཞིབ་ཁང་ནས་པར་འདེབས་འགྲེམས་སྤེལ་གནང་ཡོད་པ་དང་། ད་ལམ་བོད་མི་མང་སྤྱི་འཐུས་སྐབས་ ༡༦ པའི་སྤྱི་འཐུས་རྩ་འབོར་གྱི་བརྒྱ་ཆ་ ༥༠ བརྒལ་བ་སྤྱི་འཐུས་ཀྱི་ལས་གནས་ཐོག་གསར་དུ་ཕེབས་ཀྱི་ཡོད་པས་ཁོང་རྣམ་པར་བོད་མི་མང་སྤྱི་འཐུས་སྐབས་ ༡༦ པའི་གྲོས་ཚོགས་ཚོགས་དུས་དང་པོ་ཉིད་ཉིན་བདུན་ཅིག་རིང་ཟབ་སྦྱོང་ཞིག་ཟུར་དུ་འབུལ་རྒྱུ་གནང་ཡོད་པ་དང་།
དེ་དང་ལྷན་དུ་བོད་མིའི་སྒྲིག་འཛུགས་ཀྱི་ལས་ཁུངས་ཁག་དང་། གཞུང་འབྲེལ་མིན་པའི་ཚོགས་པ་ཁག་སོགས་ཀྱི་ངོ་སྤྲོད་ཅིག་ཕྱོགས་བསྒྲིགས་ཀྱིས་འགྲེམས་འབུལ་ཞུ་དགོས་ཕེབས་དོན་བཞིན་ངོ་སྤྲོད་ཁག་ལས་ཁུངས་དང་སྡེ་ཚན་ཁུངས་སོ་སོ་ནས་ཞུས་ཏེ་ཕྱོགས་བསྒྲིགས་དང་འབྲེལ་ཁག་ཅིག་ལ་བཅོས་འོས་སྙམ་པ་ཕྲན་ཚེགས་རེ་བཅོས་ཏེ་ད་ལམ་པར་འདེབས་སུ་འགྲེམས་སྤེལ་ཞུས་པ་དེ་བཞིན་ད་ཆ་བོད་མི་མང་སྤྱི་འཐུས་ལྷན་ཚོགས་ཀྱི་དྲ་རྒྱ་ http://tibetanparliament.org/ ནང་ཡོད་པས་གཟིགས་གནང་ཡོང་བ་བཅས། བོད་མི་མང་སྤྱི་འཐུས་ཚོགས་དྲུང་ལས་ཁུངས་ནས་ཕྱི་ལོ་… Continue reading

theresa-may-720x340ལྕམ་སྐུ་ Theresa May མཆོག་ཨིན་ཇིའི་སྲིད་བློན་དུ་བདམས་ཐོན་མཛད་འཁུར་བཞེས་ཟིན་པར་བོད་མི་མང་སྤྱི་འཐུས་ལྷན་ཚོགས་ནས་ཁོང་ལ་འཚམས་འདྲིའི་ཕྱག་བྲིས་ཤིག་འབུལ་ལམ་ཞུས་ཡོད་པ་རེད། འཚམས་ཞུ་དེའི་ནང་སྲིད་བློན་མཆོག་ལ་བཀྲ་ཤིས་བདེ་ལེགས་ཀྱི་འཚམས་ཞུ་དང་སྦྲགས་ཁོང་གིས་དབུ་འཁྲིད་འོག་ཨིན་ཡུལ་གྱི་མདུན་ལམ་འོད་ཟེར་ལྡན་པ་ཞིག་ཡོང་བའི་རེ་སྨོན་དང་། ད་ཕན་ཨིན་ཡུལ་གྱིས་བོད་དོན་ཐོག་རྒྱབ་སྐྱོར་གནང་དང་གནང་བཞིན་པ་རྣམ་ལ་ཐུགས་རྗེ་ཆེ་ཞུ་རྒྱུ་མ་ཟད། ཨིན་ཡུལ་གྱི་སྲིད་བློན་གོང་མ་སྐུ་ཞབས་ David Cameron མཆོག་གིས་ཕྱི་ལོ་ ༢༠༡༢ ལོར་བོད་མིའི་བླ་ན་མེད་པའི་དབུ་འཁྲིད་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་མཇལ་འཕྲད་གནང་ཡོད་པར་ད་རེས་ཀྱི་གོ་སྐབས་འདི་བརྒྱུད་སྙིང་ནས་གུས་བརྩི་དང་བསྔགས་བརྗོད་ཞུ་བཞིན་ཡོད་པ། ཨིན་ཡུལ་ནི་བོད་རྒྱལ་ཁབ་རྒྱའི་དབང་འོག་ཏུ་མ་ཚུད་གོང་བོད་དང་འབྲེལ་ལམ་ཡོད་པའི་རྒྱལ་ཁབ་འགའ་ཤས་ཡོད་པའི་གྲས་ཡིན་ཞིང་། རྒྱ་ནག་དམར་གཞུང་གིས་བོད་ནང་བཙན་འཛུལ་སྐབས་ཀྱི་དཔང་པོ་གལ་ཆེ་ཤོས་ཤིག་ཡིན་པས་ཨིན་ཡུལ་གྱི་རྒྱབ་སྐྱོར་ནི་བོད་དོན་ཆེད་ཤིན་ཏུ་གལ་ཆེན་ཞིག་ཏུ་གྱུར་ཡོད། ད་ལྟ་བོད་མི་ཚོས་བོད་རྒྱ་གཉིས་སྨན་དབུ་མའི་ལམ་གྱི་ཐོག་ནས་བོད་དོན་བདེན་མཐའ་གསལ་ཐབས་བྱ་བཞིན་ཡོད་པར་རྒྱབ་སྐྱོར་གནང་བའི་རེ་བ་དང་ཡིད་ཆེས་ཞུ་བཞིན་ཡོད་སྐོར་བཅས་འཁོད་ཡོད་པ་རེད།།

1 2 3 256


བརྙན་མཛོད།

དཔེ་དེབ།